نتغدى فى المطعم .. علشان صايمين
+ جارسون
– يلتفت الجارسون ناحية جرجس وعائلته الملتفين حول مائدة فى أحد مطاعم وسط البلد … ويقول بأدب : طلباتك يا فندم
+ يلتفت جرجس ناحية عائلته قائلا : ها … هتأكلوا إيه يا ولاد ؟
= جانيت زوجة جرجس : طب نشوف المينو الأول … ممكن ؟
– يمد الجارسون يده بقائمة الطعام ؛ يلتقطها جرجس قائلا : طب سيبنا شوية نقرر هناكل إيه ؛ أصل احنا صايمين النهاردة
– الجارسون مندهشا : نعم يا الدلعدى ؟ صايمين ازاى ان شاء الله ؟ !!!
+ جرجس مغضبا : أيوة صايمين … عندك مانع ؟
– الجارسون محاولا تمالك أعصابه : احم … صايمين ازاى بس يا فندم … دا انتو داخلين تتغدوا
+ وايه المشكلة … احنا مسيحيين وصيامنا كدا … عندك اعتراض ؟
– طب مش المفروض إللى صايم يمتنع عن الأكل والشرب ؟ وللا إيه حضرتك ؟
+ لاااااااااا … دا عندكم … انما احنا بناكل كل حاجة وأى حاجة ما عدا إللى فيه روح أو إللى بيخرج من إللى فيه روح … فهمت ؟
– آآآآآه يعنى اللحمة والفراخ والسمك ومنتجات الألبان والبيض و …
+ جرجس مقاطعا : كل دا احنا بنصوم عنه
– والفاكهة والخضار والرز والعيش والعصاير والمية والسفن والبيبس و …
+ جرجس مقاطعا مرة أخرى : كل دا ممكن ناكله واحنا صايمين .. فهمت
– الجارسون بابتسامة تهكمية : طبعا يا فندم … فهمت .. صيامكم لذيذ أوى
+ جرجس مزهوا وقد خفى عليه تهكم الجارسون : مش بأقول لك … احنا ديننا جميل أوى
– طب يا فندم حيث كدا ممكن أخدمك وأسهل عليك الاختيارات
+ طب قول كدا إللى عندكم واحنا نقرر … ها
– احنا عاملين النهاردة محشى إنما ايه … هيعجب حضرتك جدا
= جانيت : أيوة انا هأطلب محشى … نفسى فيه أوى
+ جرجس : ما بلاش محشى يا أم مينا … القولون عندك بيخلينى أطفش من البيت … شوفى لك حاجة تانية خفيفة انا فى عرضك
= جانيت : أنا برضه إللى بأقلبها زفة عربيات وكلاكسات وانا نايمة … خللينى ساكتة أحسن لك … هاه
+ جرجس : خلاص يا ابنى … نزل لها طلب محشى .. بس اتوصى
– صايمين وهتاكلو محشى ؟ ازاى بس يا عااااالم
+ لو مش عاجبك نقوم نمشى من هنا
– خلاص يا فندم إللى تشوفه … طب عندنا كمان مكرونة اسباجيتى بالصلصلة المسبكة … لكن ايه … حكاية
= مرجريت بنت جرجس : انا يا بابى … نفسى فى المكرونة أوى … نزلى طلب كبير لو سمحت
+ جرجس : مكرونة ايه يا بت ؟ ما تشوفيلك حاجة خفيفة بدل ما انتى عمالة تتخنى كدا … بقيتى شبه كاوتش النقل يخرب بيت كرشك
= مرجريت تخبط على كرش أبيها : يا ترى طالعة لمين يا أبو الجراجيس ؟
+ جرجس : ههههههههه خلاص يا بت … هات لها يا بنى المكرونة إللى هى بتحبها … طلب كبير .. ها
– تمام حضرتك … طب والامور الصغير يطلب ايه ؟
= مينا : انا بقى عاوز طاجن بامية زى اللى اكلته عند ستى … اممم وقدامه طبق رز كبير …. ومسقعة …. وصينية بطاطس محمرة فى الفرن .. و …
+ بس .. باااس … هتاكل كل دا يا مينا ؟
= مينا : أيوة يا بابا … أنا جعان اوى
+ جرجس : طالع مفجوع لأبوك يا ابن الكلب … ههههههههه هات له يا ابنى كل اللى طلبه
– تمام يا فندم … طب وحضرتك … تطلب ايه ؟
+ أنا الدكتور مانعنى من الأكل يومين كدا علشان أريح معدتى … شوف لى كدا حاجة خفيفة زى شوربة خضار … ممكن ؟
– طبعا ممكن يا فندم
+ ولو عندكم لازانيا بالسبانخ والمشروم … ياريت طبق صغير كدا جنب شوربة الخضار
– موجود يا فندم … ( بينه وبين نفسه : موجود يابن المفجوعة 🤨)
+ وما تنساش بقى السلطات والمخللات … ها .. ما أوصيكش
– من عنيا حاضر … حاجة تانية يا فندم ؟
+ واحنا بنتغدى بقى ….. ياريت تنزل علينا كل شوية بطقم الكولا المشبرة علشان نعرف ناكل بنفس … ماشى 🤤
– حاضر يا فندم
+ ياللا … كفاية كدا … بلاش نكتر أكل علشان احنا برضه صايمين
– يلتفت الجرسون وهو يضحك بينه وبين نفسه بسخرية قائلا : كل دا وصايمين …. يا ولاااااد المجاااانين 😅
+ يلتفت جرجس إلى عائلته الصغيرة قائلا : هنخلص غدا ونروح ناكل جيلاتى عند آيس لاند … وهندخل سيما وناكل فشار واحنا بنتفرج على الفيلم الجديد
= جانيت : فيلم ايه دا يا خويا ؟
+ جرجس : فيلم حلو أوى … اسمه كوكب القرود 🙈🙉🙊🐒
أحدث التعليقات